Ad-Duhaa — Sinhala Translation

بِسْمِ ٱللَّهِ ٱلرَّحْمَـٰنِ ٱلرَّحِيمِ

وَٱلضُّحَىٰ 1

පෙරවරු ව මත දිවුරමින්,

وَٱلَّيْلِ إِذَا سَجَىٰ 2

තවද රාත්‍රිය (දහවල) ආවරණය කරන විට, ඒ මත දිවුරමින්,

مَا وَدَّعَكَ رَبُّكَ وَمَا قَلَىٰ 3

නුඹගේ පරමාධිපති නුඹව අතහැර දැමුවේ නැත. එමෙන් ම ඔහු අමනාප වූයේ ද නැත.

وَلَلْـَٔاخِرَةُ خَيْرٌ لَّكَ مِنَ ٱلْأُولَىٰ 4

සැබැවින්ම, ආරම්භයට වඩා අවසානය නුඹට වඩාත් යහපත් ය.

وَلَسَوْفَ يُعْطِيكَ رَبُّكَ فَتَرْضَىٰٓ 5

තවද නුඹගේ පරමාධිපති නුඹට මතුවට පිරිනමනු ඇත. එවිට නුඹ තෘප්තියට පත් වනු ඇත.

أَلَمْ يَجِدْكَ يَتِيمًا فَـَٔاوَىٰ 6

ඔහු නුඹව අනාථයෙකු ලෙස දැක නුඹට රැකවරණය නො දුන්නේ ද?

وَوَجَدَكَ ضَآلًّا فَهَدَىٰ 7

තවද නුඹව අතරමං වූවෙකු ලෙස දැක පසුව ඔහු මඟ පෙන්වූයේ ය.

وَوَجَدَكَ عَآئِلًا فَأَغْنَىٰ 8

තවද ඔහු නුඹව අවශ්‍යතාව ඇත්තෙකු ලෙස දැක පසුව ඔහු ස්වයංපෝෂිත කළේ ය.

فَأَمَّا ٱلْيَتِيمَ فَلَا تَقْهَرْ 9

එහෙයින් අනාථයාට කටුක ලෙස නො සළකනු.

وَأَمَّا ٱلسَّآئِلَ فَلَا تَنْهَرْ 10

තවද අයදින්නා ව පලවා නො හරිනු.

وَأَمَّا بِنِعْمَةِ رَبِّكَ فَحَدِّثْ 11

තවද නුඹගේ පරමාධිපතිගේ ආශිර්වාදයන් ගැන නුඹ ප්‍රකාශ කරනු.